الكمالية كما يجب أن تكون
بقلم .د / غادة مصطفى - مجلة وعي جديد.
ايه اللغبطه دي بقي مش قولنا الكماليه دي مؤذيه ولا كامل الا وجه الله وكلها عيوب
حصل
لكن ميمنعش ان فيه كماليه مفيدة وصحيه وتساعدني على تطوير ذاتنا والتكيف مع حياتنا
اننا نسعى لاتقان عملنا مع التقبل الكامل اننا بشر يعنى نقبل النقص البشرى فى كل حاجه بنعملها من غير ما نبقي قاسين على نفسنا
نعمل إلى علينا على أكمل وجه بدون نقد وجلد للذات وطبعا الخطأ وارد منخفش ابدا نغلط
الغلط مش معناه فشل معناه محاوله للنجاح اتعملنا منها نوصل للتوازن داه ازاى
الكماليه الصحيه هدفها
ان الشخص يكون أفضل مش كامل
وزى ما قولنا الخطأ مش فشل داه فرصه للتعلم من الخطا
ونحط معايير عاليه حقيقيه عشان نحققها أو حتى نحقق القريب منها وداه عكس الكماليه المرضيه
وأهم نقطه الإنسان قيمته في نفسه مش فى إنجازاته أو حتى الأداء اليومي العادي النجاح والفشل مالوش اى علاقه بقيمه الانسان
وطبعا في الكماليه الصحيه الإنسان بيستمتع بحياته وبفترات راحته وبيبقي فى توازن من العمل والراحه بين الإنجاز والاستمتاع بالحياه
حقنا كلنا نسعى للأفضل أو الكماليه الصحيه و لكن ليس الكمال المطلق
تعليقات
إرسال تعليق