أرح قلبك 🤍
بقلم . د / هبة حسن أبو المجد
أحياناً أكتر حاجة محتاجينها مش حل… محتاجين نِهَدّي القلب.
نرتاح من الحمل التقيل اللي اسمه حقد، ومن التعب الصامت اللي اسمه غيرة، ومن الاستنزاف اليومي اللي اسمه مقارنة.
خلّي بالك…
الحقد بيحبس قلبك في وجع قديم،
والغيرة بتخليك تبص في رزق غيرك وتنسى رزقك،
والمقارنة بتسرق منك فرحة اللحظة مهما كان اللي في إيدك حلو.
نصيحة مهمة للتعافي:
كل مرة تلاقي قلبك شدّ… اسأله بهدوء:
“أنا موجوع من إيه؟ مش غِيران من مين.”
الشفا مش إنك تبقى أقوى من مشاعرك،
الشفا إنك تعترف بيها، وتفهمها، وبعدين تسيبها تمشي واحدة واحدة.
افتكر:
رزقك مش متأخر، هو بس ليه توقيت يليق بيك.
وقيمتك مش مقارنة، قيمتك إحساسك بنفسك وإنت واقف في مكانك.
أرح قلبك…
سامح عشان نفسك، مش عشان غيرك.
واطمن… القلب اللي يختار السلام، ربنا دايمًا يعوّضه براحة ما تتحكيش 🌿
تعليقات
إرسال تعليق