🔴 النزلات الشعيبية الحادة
Acute Bronchiolitis
بقلم دكتور عرنوس محمد عرنوس
استشاري أول طب أطفال وحديث الولادة
ده موسمها كل سنة،
وأشهر فيروس مسبب لها هو:
Respiratory Syncytial Virus (RSV)
أو بالاسم الشائع: الفيروس المخلوي التنفسي
📌 المرض مش فيروس جديد
لكن السنة دي ملحوظ زيادة معدل الانتشار عن المعتاد.
📌 المرض فيروسي ومُعدي
وبيطوّل نسبيًا،
وبيكون أخطر على الأطفال أقل من 6 شهور ⚠️
👩👧 الأمهات الشطار… ركزوا معانا
النزلات الشعبية الحادة منتشرة جدًا الأيام دي،
وبنشوف حالات كتير منها في العيادات والمستشفيات 🏥
❌ وده من أكتر الأدوار المتعبة في الأطفال،
خصوصًا الرضع أقل من سنة
⏰ توقيت المرض
كان في السابق بيظهر أكتر في شهور
10 – 11 – 12 🌫🌧
لكن حاليًا بقى موجود من شهر 8 ولسه مستمر
📍 بيصيب الأطفال أقل من سنة
📍 ومدة المرض غالبًا من 10 إلى 20 يوم
📍 وقد تستمر الكحة بعد التحسن لفترة أطول وده طبيعي
🤧 الأعراض الشائعة
كحة
تزييق
خنفرة
أرق وعدم نوم بالليل
حرارة خفيفة إلى متوسطة
🧩 المرض بيمر بـ 3 مراحل
☝️ المرحلة الأولى: دور برد عادي
رشح، زكام، كحة خفيفة 🤧
أي طفل يجيله برد بيكون معرّض إن الدور يزيد.
📌 عشان كده بننبه:
> لو الكحة زادت أو ظهرت خنفرة أو تزييق → لازم مراجعة الطبيب
✌️ المرحلة الثانية: صعوبة في التنفس (الأهم)
ودي أخطر مرحلة، وشدتها بتختلف من طفل للتاني حسب:
عمر الطفل
مناعته
سرعة المتابعة والعلاج
⚠️ الرضع حديثي الولادة
ممكن يحصل لهم تدهور في التنفس
وقد يصاحب الحالة التهاب رئوي في بعض الحالات.
🚫🚫 ممنوع تقبيل المواليد،
وخاصة من الفم، لتجنب نقل العدوى.
أعراض المرحلة دي:
تزييق وخنفرة وكحة شديدة
سرعة النفس وزيادة ضربات القلب 💓
قلة أو عدم انتظام الرضاعة
ازرقاق حول الفم أو الأطراف
⛑️ في بعض الحالات – وليس كلها –
الطفل يحتاج دخول مستشفى للمتابعة.
👌 المرحلة الثالثة: مرحلة النقاهة
الطفل يبدأ يتحسن تدريجيًا 👍
لكن: ❗ لازم العلاج يكمل للنهاية
❗ المرض ممكن يتكرر لو اتعرض لمثيرات
🚫 نمنع:
العطور
البخور
الأتربة
التدخين
🍵 ننصح بـ:
الرضاعة المنتظمة فقط للرضع أقل من 6 شهور
السوائل الدافئة للكبار فقط
⚠️ ملاحظات مهمة جدًا
النزلة الشعبية مرض فيروسي
❌ المضادات الحيوية لا تعالجها
إلا إذا وُجدت عدوى بكتيرية مصاحبة ويحددها الطبيب.
📢 الخلاصة: المتابعة بدري، والالتزام بالتعليمات،
بيحموا الطفل من المضاعفات 👶❤️
تعليقات
إرسال تعليق