يعنى اى الإرشاد الأسري
بقلم: د / الاء حسام النجار
مساعدة مهنية بتقدمها أخصائيين نفسيين
أو
مرشدين متخصصين عشان الأسرة تتعامل مع المشاكل وتقوي الروابط بين أفرادها. الهدف مش إن حد يقول لك
"الصح والغلط"
الهدف إنكم تفهموا بعض وتوصلوا لحلول تناسبكم.
إمتى تحتاجوا إرشاد أسري؟
- تكرار الخلافات و المشاكل:
- نفس المشكلة بتتكرر كل أسبوع ومش بتتحل.
- ضعف التواصل:
- الكلام بينكم بقى خناق أو صمت تام.
- تغيرات كبيرة:
- طلاق، زواج ثاني، فقدان شغل، انتقال بيت، ولادة طفل جديد.
- مشاكل مع الأبناء:
- عناد شديد، تراجع دراسي، إدمان شاشات، سلوك عدواني.
- تدخل الأهل الممتد:
- مشاكل مع الحماة/أهل الزوج مأثرة على العلاقة.
- أزمة ثقة:
- غيرة، شك، أو خيانة حصلت.
أهم المبادئ اللي بيشتغل عليها الإرشاد الأسري
خطوات عملية تبدأوا بيها دلوقتي من غير مرشد
1. اجتماع أسري 20 دقيقة أسبوعياً
كل واحد يقول:
حاجة فرحته الأسبوع ده + حاجة مضايقاه + طلب واحد من الأسرة. ممنوع المقاطعة.
1. قاعدة الـ 5:1
علماء النفس لقوا إن العلاقات المستقرة فيها 5 تفاعلات إيجابية مقابل كل تفاعل سلبي.
يعني مدح
ضحكة
طبطبة
مساعدة
مقابل كل نقد أو خناقة.
1. وقت مقدس للزوجين
حتى لو نص ساعة في البلكونة بعد ما الأطفال يناموا.
ممنوع الكلام عن الفلوس والعيال في الوقت ده.
1. جدول مسؤوليات للأطفال
من سن 3 سنين الطفل يقدر يشيل طبقه
يرتب لعبه.
ده بيقلل خناقات "اعمل كذا" 60%.
1. وقف تصعيد الخناقة
اتفقوا على كلمة سر
لو حد قالها يبقى لازم توقفوا النقاش 30 دقيقة وترجعوا أهدى
نقطة مهمة:
الإرشاد الأسري مش معناه إن البيت "بيقع".
الأسر القوية هي اللي بتطلب مساعدة بدري قبل ما المشكلة تكبر. زي ما بنروح لدكتور لما نتعب، بنروح لمرشد لما العلاقة تتعب.
تعليقات
إرسال تعليق