لعبة الاستغماية / بخ / خلاويص
(فكرة الاختفاء والبحث)
بقلم . الأخصائية / آلاء حسام النجار
أخصائية تأهيل ذوي الاحتياجات الخاصة
لعبة الاستغماية / بخ / خلاويص
(فكرة الاختفاء والبحث)
أولًا: على المستوى النفسي
اللعبة دي بتلمس أعمق منطقة أمان عند الطفل.
الطفل يختبر فكرة:
"أنا اختفيت… بس هترجع تلاقيني"
وده بيبني عنده:
الإحساس بالأمان العاطفي
الثقة في وجود الآخر
تقليل قلق الانفصال
الإحساس إن العالم مش مكان مخيف
⚠️ الأطفال اللي اتحرموا من النوع ده من اللعب، أحيانًا بيكبر عندهم:
خوف زائد
قلق
تعلق مرضي
أو العكس: انسحاب عاطفي
ثانيًا: على المستوى العقلي (الإدراك والوعي)
اللعبة دي مدرسة عقلية مصغّرة 🧠
بتنمي عند الطفل:
الوعي والإدراك بالسعادة
(أنا مبسوط – أنا متحمس – أنا منتظر)
مفهوم الافتراض
(هو مستخبي فين؟)
مفهوم التخمين
(يمكن ورا الباب… يمكن تحت الترابيزة)
السبب والنتيجة
(لو روحت هنا هلاقيه)
الذاكرة البصرية والمكانية
الانتباه والتركيز
دي مهارات أساسية للـ:
التعلم
حل المشكلات
التفكير المنطقي
الاستعداد الأكاديمي لاحقًا
ثالثًا: على المستوى الجسدي والحسي
اللعبة نشاط عقلي + جسدي + حسي في نفس الوقت.
حركة (جري – زحف – دوران)
تنشيط التوازن
تنمية التآزر الحركي
تفريغ طاقة بشكل صحي
تنظيم الجهاز العصبي
وده مهم جدًا للأطفال:
فرط الحركة
القلق
التوتر
ضعف التنظيم الحسي
رابعًا: على المستوى الاجتماعي والانفعالي
اللعبة بتعلّم الطفل:
الانتظار
تبادل الأدوار
الضحك المشترك
قراءة تعبيرات الوجه
التحكم في الانفعال (ما ينفجرش قبل ما يلاقي)
وبتبني:
ذكاء عاطفي مبكر
قدرة على المشاركة
حب التفاعل مع الآخرين
خامسًا: تكوين المشاعر
اللعبة دي جزء أصيل من تكوين المشاعر السليمة:
فرح
دهشة
ترقّب
انتصار
أمان
ودي مشاعر لو ما اتبنتش صح في الطفولة، بتظهر مشوهة في الكِبر.
ملحوظة تربوية مهمة 👀
❌ الموبايل والتلفزيون
✔️ لا يعوضوا الإحساس ده أبدًا
لأن:
مفيش تفاعل
مفيش بحث حقيقي
مفيش مشاركة وجدانية
الخلاصة
الاستغماية، بخ، خلاويص
مش ألعاب بسيطة…
دي أدوات:
لبناء الأمان النفسي
وتنمية العقل
وتشكيل المشاعر
وتنظيم الجسد
اللعب ده علاج، وتربية، وحب في نفس الوقت ❤️
تعليقات
إرسال تعليق