اختاره صديق قبل ما يكون حبيب
د / إنچي معروف
استشاري أسري وصحة نفسية
لايف كوتش
كاتبة
لأن الصداقة في الحب بتديك اشتياق دايم إنك تتكلم مع حبيبك،
والحالة دي بتشيع حاجة اسمها الونس كتير.
وأكتر حاجة بتصنع الونس هي الأفعال من غير كلام.
أحيانًا كل اللي بنحتاجه هو حضن 🫂
علشان نتنفس نفس الهوا عن قرب،
ونتأكد إننا في أي وقت نقدر نتحضن من شخص مهتم بينا،
فنحس بالأمان والاهتمام.
وكمان جبر الخواطر والمساندة وقت الاحتياج
ده كله من صنع الونس.
لمسة الإيدين وتشابكهم وقت مرض حبيبك،
وتقبيلك له بصدق في كف إيده،
بتعلن له حرفيًا وفعليًا إنك بتنتمي ليه،
وإنه حتة من روحك.
وده أقوى أنواع الونس على الإطلاق.
ابتكروا حاجات جديدة
تخلي لقاءكم مميز ومبهر، مفيهوش ملل،
تخليه ما يعرفش يغضّ نظره عنك،
وكل ما ينشغل عنك بحاجة
تسيب عينه اللي في إيده وتجري عليك.
خلي روحك ما تفارقوش في أي مكان يكون فيه.
ده هو الونس
اللي يخليه مش قادر يتخلى عنك،
ويخليك جزء لا يتجزأ منه.
الونس بيقوّي القلب،
وبيسعد الروح،
وبيهوّن الدنيا.
اعمل ونس ولفّه بالاهتمام
علشان ما يهربش منك
ولا يطير يدور على ونس غيرك.
وإوعى أبدًا تصنع ونس المستقبل
مع شخص ما يستاهلش.
ودوّر دايمًا على شخص
يشبع يومك زحمة اهتمام واطمئنان 🫰🏻
هل أدركت فعلًا معنى “الونس” يا عزيزي؟
تعليقات
إرسال تعليق