"تخيلي إن في عالم كامل بيشتغل على صراخ الأطفال…"
بقلم .م / إكرام غازي
فاكرين كرتون شركة المرعبين المحدودة؟
الكرتون ده كان بيوصل فكرة مهمة جدًا…
كان فيه عالم تاني بيعتمد على صراخ الأطفال عشان يطلع طاقة تشغّل عندهم كل حاجة!
كانوا بيخوفوا الأطفال… وكل ما الطفل يصرخ أكتر، الطاقة تزيد.
بس مع الوقت حصل موقف غيّر كل حاجة…
لما اتعرفوا على طفلة صغيرة وصاحبوها، اكتشفوا حاجة غريبة جدًا!
إن ضحك الأطفال بيطلع طاقة… بس مش عادية!
دي طاقة أكبر بكتير من الصراخ!
ومن هنا قرروا يغيّروا الطريقة…
بدل ما يخوّفوا الأطفال… بقوا يضحّكوهم ❤️
وهنا بقى السؤال اللي يخصنا إحنا كأمهات…
ليه دايمًا أسهل حاجة عندنا إننا نخوّف الطفل؟
نخوفه من باباه… من المدرس… من أي حاجة!
ليه بننسى إن أول سنين في عمر الطفل
محتاجة حب وحنان…
وبعدها حزم…
وبعدها مصاحبة؟
أنا شخصيًا لما بحتار في موقف مع ابني…
بحاول أحط نفسي مكانه…
وأفكر:
"لو أنا مكانه، كنت هحب الموضوع يمشي إزاي؟"
وبنضجي أقدر أميز:
إمتى أوافق
وإمتى أناقش
وإمتى أقول لأ
عشان كده مهم جدًا نتعلم…
مش عشان نبقى perfect…
لكن عشان نقلل الخساير… ونكسب أولادنا ❤️
إحنا دايمًا فاكرين إن وقت التربية طويل ومرهق…
لكن الحقيقة؟
الوقت بيجري… واللحظة اللي بتعدي مش بترجع تاني
عشان كده…
خلّوا بينكم وبين أولادكم ذكريات حلوة
يضحكوا وهم فاكرينها… مش يخافوا منها
زي كرتون شركة المرعبين 👇
بدل الصراخ… خليها ضحك 😊
بدل الخوف… خليها حب
دمتم آمنين مبتسمين…
ولأولادكم سند ودعم 🤍
اللهم آمين
تعليقات
إرسال تعليق