الجرح مش خطأك… لكن الشفاء مسؤوليتك
✍️ بقلم: أ/ منة الله محمد بدوي
أخصائي نفسي إكلينيكي
الجرح مش ذنبك… لكن الشفاء مسؤوليتك.
مش كل وجع في حياتك كنت أنت السبب فيه. في حاجات حصلت لك وإنت ضعيف، صغير، أو بتثق زيادة عن اللزوم. صدمات، خذلان، كلمات وجعتك، أو مواقف سابت جواك أثر… وكل ده مش غلطتك.
لكن المهم إنك تعرف إنك الوحيد القادر تبدأ رحلة علاج الجرح ده. مش الشخص اللي أذاك، ومش الزمن لوحده، ومش التجاهل.
الشفاء بيبدأ لما تعترف إنك موجوع، وتبطل تلوم نفسك، وتقرر إنك ما تسيبش الألم يتحكم في اختياراتك.
الشفاء مش معناه إنك تنسى، ولا إنك تبقى قوي طول الوقت.
الشفاء يعني تفهم نفسك أكتر، تحط حدود صحية، تطلب المساعدة لما تحتاجها، وتتعلم تهتم بنفسك بدل ما تكرر نفس الأذى.
أنت مش مسؤول عن اللي حصل لك…
لكن مسؤول إنك ما تفضلش عايش أسير له.
تعليقات
إرسال تعليق